हेल्थ टिभी अनलाइन\ काठमाडौं: विश्वभर कोरोना संक्रमितको संख्या २५ लाख बढी नाघेको छ ।

अमेरिकाको जोन हप्किन्स विश्वविद्यालयका अनुसार  २५ लाख  ६१ हजार ४४ जनालाई कोरोना संक्रमण पुष्टि भइससकेको छ । यसैगरी कोरोना भाइरसको संक्रमणबाट १ लाख ७६ हजार बढी व्यक्तिको मृत्यु भइसकेको छ ।

हालसम्म सबैभन्दा बढी प्रभावित अमेरिकामा भएका छन्। अमेरिकामा मात्रै संक्रमितको संख्या ७ लाख ९३ हजार नाघेको छ । यसैगरी अमेरिकामा कोरोना संक्रमणका कारण मृत्यु हुनेको संख्या नै ४२ हजार भन्दा बढी छ ।

उता अमेरिकापछिको प्रभावित इटलीमा २४ हजार बढीको ज्यान गएको छ । यसैगरी १ लाख ८१ हजार भन्दा बढी संक्रमित भएका छन्। कोरोना संक्रमणबाट स्पेनमा २० हजार ८ सय भन्दा बढीको मृत्यु भएको छ । दुई लाख भन्दा बढी संक्रमित भएका छन्। नेपालमा हालसम्म ४२ जनामा कोरोना संक्रमण पुष्टि भएको छ ।