हेल्थ टिभी अनलाइन \काठमाडौं:  देशमा कोरोना भाइरसको त्रास बढिरहेका बेला उता सरकारले भने देशकै सिमित विज्ञमध्येका सरुवा रोग विशेषज्ञसँग स्पष्टीकरण सोधेर हतोत्साही गराएको छ । सहज तरिकाले मिडियामा आउने र सरुवा रोगकावारेमा आफनो विचार दिंदै आएका सिमित विज्ञमध्येका एक डा शेरबहादुर पुनलाई शुक्रबार स्वास्थ्य तथा जनसंख्या मन्त्रालयले लिखित स्ष्पष्टीकरण सोधेको हो ।

यस विषयमा हेल्थ टिभी अनलाइनसँग कुरा गर्दै डा पुनले भने, ‘मैले मिडियामा कोरोना भाइरसकावारेमा बोलेका र लेखेका कुरालाई लिएर स्पष्टीकरण सोधेको भन्ने थाहा पाएँ तर पत्र हातमा परेको छैन्। पत्र आएकोवारे अस्पताल प्रशासनबाट फोन आएपछि थाहा पाएको पनि उनले जानकारी दिए । उनले भने, यस्तो हुन्छ भन्ने मलाई पहिले नै थाहा थियो, किनकी यसअघि नै मलाई मौखिक रुपमा स्वास्थ्य मन्त्रालयले बोलाएको थियो ।’ उनले भने म अध्ययन अनुसन्धानको विद्यार्थी भएकाले पनि मेरो काम नै अनुसन्धान गर्ने हो त्यही कुरा म लेख्छु र बोल्छु यही कुरा मन्त्रालयलाई मन परेन जस्तो छ ।’

कोरोनाको पहिलो संत्रमित आएदेखि नै डा पुनले यसबारे सचेत गराउँदै  लेखहरु लेख्दै आएका थिए । डा पुनले जापानबाट सरुवा रोगमा पीएचडी गरेका हुन्। उनी हाल टेकुस्थित शुक्रराज ट्रपिकल तथा सरुवा रोग अस्पतालमा रिसर्च यूनिट प्रमुखका रुपमा कार्यरत छन्।