हेल्थ टिभी अनलाइन \काठमाडौं:  विश्व स्वास्थ्य संगठनले वन्यजन्तुको मासुमा प्रतिबन्ध लगाउन सबैलाई अपिल गरेको । संगठनका महानिर्देशक डा टेड्रोसले जेनेभामा आयोजित पत्रकार सम्मेलनका क्रममा ७० प्रतिशत नयाँ भाइरस जनावरबाटै मानिसमा आएको भन्दै वन्यजन्तु मासुको व्यापारमा कडा प्रतिबन्ध लगाउनुपर्ने बताएका हुन्।

वन्यजन्तुको मासु धेरैका लागि भोजनको महत्वपूर्ण स्रोत भएपनि अधिकांश यस्ता बजारमा यसको स्वच्छताको प्रश्न आउने गरेको भन्दै यनले यसमा प्रतिबन्ध लगाउनपर्नेमा जोड दिए । भोजन र स्वच्छताका सबैले कडाइका साथ पालना नगर्दासम्म वन्यजन्तुको मासु प्रयोग रोकिनुपर्ने टेड्रोसको भनाइ छ ।

गत डिसेम्बरमा कोरोना भाइरसको महामारी फैलिएको चीनको वुहानमा पनि खुलायाम जनावरका मासुको व्यापार हुँदै आएको छ । त्यही कारण भाइरस फैलिएको हो की भन्ने अनुमान गरिएको छ ।