५ बैशाख २०७७ , शुक्रबार

पाटन अस्पतालमा पनि शुरु भयो कोरोना परीक्षण

हेल्थ टिभी अनलाइन\ काठमाडौं: सरकारले कोरोना परीक्षणको दायरा फराकिलो बनाउँदै ललितपुरस्थित पाटन अस्पतालमा पनि नमुना परीक्षण शुरु गरेको जनाएको छ ।

शुक्रबार स्वास्थ्य तथा जनसंख्या मन्त्रालयले गर्दै आएको नियमित मिडिया ब्रिफिङमा मन्त्रालयका प्रवक्ता डा विकास देवकोटाले पाटन अस्पतालमा आजैबाट परीक्षण शुरु भएको जानकारी दिएका हुन्।डा देवकोटाले भने, ‘पीसीआर प्रविधिबाट पाटन अस्पतालमा आजैबाट कोरोना नमुना परीक्षण शुरु गरेका छौं।’ योसँगै अब १४ स्थानबाट पीसीआर प्रविधिबाट कोरोना संक्रमणको नमुना परीक्ष्ण हुने पनि उनले जानकारी दिए ।

काठमाडौं उपत्यकामा यसअघि टेकुस्थित राष्ट्रिय जनस्वास्थ्य प्रयोगशाला, वीर अस्पताल र शुक्रराज ट्रपिकल तथा सरुवा रोग अस्पतालमा कोरोना परीक्षण हुँदै आएको थियो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।