हेल्थ टिभी अनलाइन \काठमाडौं:  भारतमा कोरोना संक्रमितको संख्या १३ हजार बढी पुगेको छ । त्यहाँको स्वास्थ्य मन्त्रालयका अनुसार विहिबारसम्म संक्रमितको संख्या १३ हजार ३ सय ८७ पुगको छ । यसैगरी कोरोना संक्रमणका कारण मृत्यु हुनेको संख्या ४ सय ३७ रहेको छ ।

यसैविच विभिन्न अस्पतालमा उपचार गरेर कोरोना जितेर निको भएकाको संख्या १ हजार ७ सय १७ रहेको पनि भारतीय स्वास्थ्य अधिकारीले बताएका छन्। भारतमा कोरोना भाइरसको सबैभन्दा बढी प्रभावित महाराष्ट्र भएको छ । महाराष्ट्रमा मात्र ३ हजार २ सय पाँच जनामा कोरोना संक्रमण देखिएको छ भने १९४ जनाको मृत्यु भइसकेको छ ।

महाराष्ट्रपछि दिल्लीमा धेरै संक्रमण पाइएको छ । दिल्लीमा अहिलेसम्म १ हजार ६ सय चालिस संंक्रमित भेटिएका छन्। यसैगरी ३८ जनाले कोरोनाका कारण ज्यान गुमाएका छन्। दिल्लीमा पछिल्लो २४ घण्टामा ६२ नयाँ संक्रमण पुष्टि भएका छन्।