हेल्थ टिभी अनलाइन\ काठमाडौं:  पछिल्लो २४ घण्टामा गरिएका कोरोनाको नमुना परीक्षणको नतिजा नेगेटिभ आएको स्वास्थ्य मन्त्रालयले जनाएको छ । बिहिबार स्वास्थ्य तथा जनसंख्या मन्त्रालयले गरेको मिडिया ब्रिफिङमा मन्त्रालयका प्रवक्ता डा विकास देवकोटाले उक्त कुरा बताएका हुन्।

डा देवकोटाले पछिल्लो २४ घण्टामा पीसीआर विधिबाट ३६९ र र्‍यापिड टेष्ट विधिबाट ३ हजार २ सय ६३ जनाको कोरोना परीक्षण गर्दा सबैमा कोरोना नेगेटिभ रिपोर्ट आएको बताए । उनले भने, ‘हामीले परीक्षणको दायरा बढाउँदै सबै प्रदेशबाट परीक्षण गरिहरका छौं तर आज कसैमा पनि कोरोना पोजेटिभ देखिएको छैन्।’ उनले बुधबार केही व्यक्तिहरुमा र्‍यापिड टेष्ट गर्दा पोजेटिभ देखिएको भए पनि पीसीआर प्रविधिबाट परीक्षण गर्दा सबैको कोरोना नेगेटिभ आएको बताए ।

योसँगै उनले ८ जिल्ला बाहेक सबैमा र्‍यापिड टेष्ट विधिबाट नमुना परीक्षण भइरहेको पनि जानकारी दिए । उनले आज बिहानसम्म क्वारेन्टाइनमा रहनेको संख्या ४ हजार ९ सय १ र आइसोलेसनमा १ सय तीन जना रहेको पनि  जानकारी दिए ।