२ बैशाख २०७७ , मङ्लबार

कोरोना र्‍यापिड टेष्ट : काभ्रे र धादिङका दुईजनामा पनि देखियो पोजेटिभ

हेल्थ टिभी अनलाइन\काठमाडौं : काभ्रे र धादिङमा र्‍यापिड टेष्टका क्रममा दुईजनामा कोरोना पोजेटिभ देखाएको छ।

काभ्रेको बेथानचोक गाउँपालिका–५ का एक व्यक्तिमा कोरोना पोजेटिभ देखिएको हो। उनलाई थप परीक्षणका लागि धुलिखेल अस्पताल ल्याइएको गाउँपालिकाका अध्यक्ष प्रेमबहादुर तिमल्सिनाले जानकारी दिए।

यस्तै धादिङको ज्वालामुखी गाउँपालिकामा भएको र्यापिड परीक्षणमा एक जना युवकमा कोरोना पोजेटिभ देखिएको छ। कोरिया बसेर चैतको पहिलो साता घर फर्किएका वडा नं. ३ का युवकमा परीक्षणका क्रममा ‘पोजेटिभ’ देखिएको गाउँपालिकाकी उपाध्यक्ष जानुका सिंखडाले जानकारी दिइन्।

उनको स्वाबको नमुना परीक्षणका लागि राष्ट्रिय प्रयोगशाला ल्याइएको पनि सिंखडाले बताइन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।