२ बैशाख २०७७ , मङ्लबार

पेप्सीकोलास्थित सनसिटी अपार्टमेन्टका दुई जनामा कोरोना पुष्टि, एक जनाको रिपोर्ट आउन बाँकी

हेल्थ टिभी अनलाइन \काठमाडौं : पेप्सीकोलास्थित सनसिटी अपार्टमेन्टका दुई जनामा कोरोना भाइरस भएको पुष्टि भएको छ । एक जनाको भने रिपोर्ट आउन बाँकी रहेको स्वास्थ्य मन्त्रालयले जनाएको छ ।

८१ वर्षीय आमा र ५८ वर्षीय छोरामा कोरोना पोजेटिभ देखिएको मन्त्रालयले जनाएको हो । बुहारीमा भने पहिलो परीक्षणमा कोरोना नदेखिएको जनाइएको छ ।

गत चैत ५ गते बेलायतमा आएका एकै परिवारका तीन जनामा सोमबार र्‍यापिड टेष्ट गर्दा कोरोना पोजेटिभ देखिएको थियो। त्यसलगत्तै उनीहरुलाई पाटन अस्पताल भर्ना गरेर पीसीआर प्रविधिबाट नमुना परीक्षण गर्न थ्रोट स्वाब संकलन गरिएको थियो ।

उनीहरु तीनै जना अहिले पाटन अस्पतालको आइसोलेसनमा छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।