२ बैशाख २०७७ , मङ्लबार

कोरोना आशंकामा आइसोलेसनमा भर्ना भएका प्रहरी जवानको रिपोर्ट नेगेटिभ

हेल्थ टिभी अनलाइन \काठमाडौं: कोरोनाको आशंकामा जिल्ला अस्पताल बैतडीमा आइसोलेसनमा उपचाररत एक प्रहरी जवानलाई रिपोर्ट नेगेटिभ आएपछि डिस्चार्ज गरिएको छ।

दार्चुला घर भएका ३२ बर्षीय प्रहरी जवानलाई रिपोर्ट नेगेटिभ आएसँगै सोमबार डिस्चार्ज गरिएको हो। सीमा प्रहरी चौकी झुलाघाटमा कार्यरत उनलाई ज्वरो आउने, पखाला लाग्ने र टाउको दुख्ने समस्या देखिएपछि शुक्रबार बैतडीको अस्पतालमा भर्ना गरिएको थियो।

आइसोलेसनमा भर्ना गरिएका उनको थ्रोट स्वाबको रिपोर्ट नेगेटिभ आएको जिल्ला अस्पताल बैतडीका डा बसन्तराज जोशीले जानकारी दिए।

उनको थ्रोट स्वाबको नमुना परिक्षणका लागि सेती प्रादेशिक अस्पताल धनगढी पठाइएको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।