१ बैशाख २०७७ , सोमवार

नेपालमा थप एकजनामा कोरोना पोजेटिभ, कैलालीकी एक महिलामा देखियो संक्रमण

हेल्थ टिभी अनलाइन \काठमाडौं : नेपालमा थप एक जनामा कोरोना संक्रमण पुष्टि भएको छ । कैलालीको लम्की चुहा नगरपालिकामा थप एक महिलामा कोरोना पोजेटिभ देखिएको हो । लम्की चुहा नगरपालिका वडा नं १ भुरुवाकी ६५ वर्षीया महिलामा कोरोना पोजेटिभ देखिएको स्वास्थ्य मन्त्रालय स्रोतले जनाएको छ।

लम्की बहुमुखी क्याम्पसको क्वारेन्टाइनमा रहेकी महिलामा कोरोना पोजेटिभ देखिएको हो। टेकुस्थित प्रयोगशालामा परीक्षण गर्दा पोजिटिभ रिपोर्ट आएको मन्त्रालयले जनाएको छ । वीरगन्जमा व्यापार गर्दै आएकी उनी चैत ९ गते लम्की आएकी थिइन्। ५१ जना रहेको क्वारेन्टाइनबाट ४४ जनाको स्वाब नमुना संकलन गरिएको थियो। उनलाई सेती प्रादेशिक अस्पतालमा लाने तयारी गरिएको बताइएको छ ।

योसँगै नेपालमा कोरोना पुष्टि हुनेको संख्या १३ पुगेको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।