३० चैत्र २०७६ , आइतवार

नेपालमा थप तीन जनामा कोरोना संक्रमण पुष्टि, तीनैजना भारतीय नागरिक

हेल्थ टिभी अनलाइन\ काठमाडौं: नेपालमा थप तीन जनामा कोरोना संक्रमण पुष्टि भएको छ ।तर उनीहरु तीनैजना भारतीय नागरिक हुन् । उनीहरु भारतबाट आएर केही दिनदेखि वीरगञ्जमा बस्दै गरेको पाइएको स्वास्थ्य मन्त्रालयले जनाएको छ ।

टेकुस्थित राष्ट्रिय जनस्वास्थ्य प्रयोगशालामा आइतबार रातीसम्म गरिएको परीक्षणमा उनीहरुको रिपोर्ट पोजेटिभ देखिएको हो ।उनीहरुको परीक्षण यसअघि हेटौंडास्थित प्रयोगशालामा भएको थियो । त्यहाँ उनीहरुमा कोरोना पोजेटिभ रिपोर्ट आएपछि पुनः परीक्षणका लागि टेकुस्थित राष्ट्रिय प्रयोगशालामा पठाइएको थियो ।

अब योसँगै नेपालमा कोरोना भाइरसबाट संक्रमित हुनेको संख्या १२ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।