दुई कोरोना संक्रमित केही दिनमै डिस्चार्ज हुने
हेल्थ टिभी अनलाइन\काठमाडौं : टेकुस्थित शुक्रराज ट्रपिकल तथा सरुवा रोग अस्पतालमा उपचाररत कोरोनाका दुई संक्रमित केही दिनभित्र अस्पतालबाट डिस्चार्ज हुने भएका छन्।
नियमित पत्रकार सम्मेलनका क्रममा स्वास्थ्य मन्त्रालयका प्रवक्ता डा. विकास देवकोटाले संक्रमितको स्वास्थ्य अवस्था सामान्य रहेको र उनीहरूको स्वास्थ्य परीक्षणको प्रक्रिया पूरा भएपछि छिट्टै डिस्चार्ज हुने जानकारी दिएका हुन्। उनले अस्पतालमा रहेका आठैजनाको अवस्था सामान्य रहेको बताए।
यता टेकु अस्पतालले पनि उपचारको क्रममा रहेका सङ्क्रमित दुवै जनाको स्वास्थ्य अवस्था सामान्य रहेको बताएको छ। दुई दिनभित्र अन्तिम रिपोर्ट आउने र त्यो रिपोर्ट नेगेटिभ देखिएमा डिस्चार्ज गर्ने जानकारी अस्पतालले दिएको छ।
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो
पत्रकारका लागि फेलोसिप र तालिमको अवसर
औषधि खाँदा के कुरामा ध्यान दिने ?
मधुमेहका बिरामीले दशैँमा कसरी मिलाउने खानपान ?