इटलीमा कोरोना भाइरस संक्रमणका कारण १०० भन्दा बढी चिकित्सकको मृत्यु भएको छ। संक्रमण भेटिएको दिनदेखि अहिलेसम्म यो संख्यामा चिकित्सकको मृत्यु भएको इटलीको स्वास्थ्य स्वास्थ्य संस्थाले बिहीबार जानकारी गराएको हो।

बिरामीलाई उपचार सेवा दिने क्रममा १०१ चिकित्सकको मृत्यु भएको संस्थाका प्रवक्ताले एएफपीलाई जानकारी दिए। संक्रमणबाट ३० नर्स र अन्य स्वास्थ्य सहयोगीको मृत्यु भएको अनुमान गरिएको छ।

मृतकमध्ये भर्खरै सेवा सुरू गरेको युवा चिकित्सकसमेत छन्। इटलीमा कोभिड–१९ को संक्रमणबाट बिहीबार यो समाचार तयार पार्दासम्म १७ हजार ६६९ व्यक्तिको मृत्यु भएको तथ्यांक छ।

रोमको जनस्वास्थ्य संस्था (आईएसएस) का अनुसार करिब १० प्रतिशत स्वास्थ्यकर्मी कोरोना भाइरसबाट संक्रमित रहेको अनुमान छ।