हेल्थ टिभी अनलाइन \काठमाडौं:  सरकारले सातैवटा प्रदेशमा ‘र्‍यापिड डायग्नोस्टिक टेष्ट किट’ दिएको जनाएको छ ।

स्वास्थ्य तथा जनसंख्या मन्त्रालयले गर्दै आएको नियमित पत्रकार सम्मेलनमा मन्त्रालयका प्रवक्ता डा विकास देवकोटाले उक्त कुरा बताएका हुन्। उनले क्वारेन्टाइमा रहेका व्यक्तिहरुको नमुना परीक्षणका लागि प्रत्येक प्रदेशलाई ५ \५ हजारका दरले टेष्ट किट पठाएको जानकारी दिए ।

डा देवकोटाले कोरोनाको नमुना परीक्षणको दायरा फकाकिलो बनाउँदै सबै प्रदेशबाट नमुना परीक्षण गर्न सम्भव भएको बताए । उनले उपत्यका लगायत हाल १० स्थानबाट नमुना परीक्षण भइरहेको पनि जानकारी दिए ।  हालसम्म टेकुस्थित राष्ट्रिय जनस्वास्थ्य प्रयोगशालामा २ र ८ सय ९५ जनाको नमुना परीक्षण गरिएको छ । त्यसमध्ये २ हजार ३ सय ८२ जनाको उपत्यकामा र ५ सय १३ जनाको परीक्षण् उपत्यका बाहिर भएको हो ।

आजसम्म विभिन्न अस्पताल गरी १ सय १७ जना कोरोनाको आशंकामा आइसोलेसनमा रहेका छन्।