हेल्थ टिभी अनलाइन \काठमाडौं: विश्वमै महामारीका रुपमा फैलिएको कोरोना भाइरसको संक्रमणका कारण हालसम्म ८८ हजार ४ सयभन्दा बढीको मृत्यु भइसकेको छ । यसैगरी संक्रमित हुनेको संख्या १५ लाख १४ हजार नाघेको छ । योसँगै तीन लाख २९ हजारभन्दा बढी संक्रमित निको भएर घर फर्किएका छन् ।

पहिलोपटक चीनबाट फैलिएको भए पनि कोरोना संक्रमणका कारण सबैभन्दा बढी अमेरिकामा १४ हजार ६ सयभन्दा बढीको मृत्यु भएको छ । त्यहाँ संक्रमितको संख्या चार लाख २७ हजार नाघेको बताइएको छ ।  युरोपको अवस्था पनि भयावह छ । इटलीमा १७ हजार ६ सय, स्पेनमा १४ हजार ८ सय र फ्रान्समा १० हजार आठ सयभन्दा बढीको मृत्यु भएको पुष्टि भएको छ ।

यसैगरी बेलायतमा हालसम्म ७ हजार १ सय, जर्मनीमा २ हजार १ सय, नेदरल्याण्डमा दुई हजार २ सय र बेल्जियममा दुई हजार २ सयभन्दा बढीले ज्यान गुमाएका छन् । इरानमा कोरोना संक्रमणबाट करिव ४ को मृत्यु भएको बताइएको छ ।

भारतमा संक्रमितको संख्या ५ हजार ९ सय नाघेको छ भने एक सय १४९ जनाको मृत्यु भएको त्यहाँको स्वास्थ्य मन्त्रालयले जनाएको छ। कोरोना संक्रमणका कारण विकसित देशलाई बढी प्रभाव पारेको देखिएको छ । नेपालमा हालसम्म ९ जनामा कोरोना संक्रमण देखिएको छ भने मृत्यु कसैको पनि भएको छैन्।