हेल्थ टिभी अनलाइन \काठमाडौं:  सरकारले कैलाली र कञ्चनपुरमा र्‍यापिड डायग्नोस्टिक टेष्ट  र पीसीआर (स्वाबमार्फत गरिने) दुबै विधिमार्फत नमुना परीक्षण गर्ने जनाएको छ । स्वास्थ्य तथा जनसंख्या मन्त्रालयले नियमित गर्दै आएको मिडिया ब्रिफिङमा मंगलबार मन्त्रालयका प्रवक्ता डा विकास देवकोटाले उक्त कुरा बताएका हुन्।

कैलाली र कञ्चनपुरमा हजारौंको संख्यामा भारतबाट मानिसहरु आएका कारण कोरोनाको उच्च जोखिम रहेको छ । कैलालीमा कोरोनाको लोकल ट्रान्समिसन भएपछि सरकारले थप सतकर्ता अपनाउँदै यो प्रक्रिया अपनाएको उनको भनाई छ । डा देवकोटाले दुबै विधिमार्फत परीक्षण गरेर हेरिने जनाए ।

उनले आज कैलालीबाट कोरोनाको आशंकामा १८ जना र कञ्चनपुरबाट २१ जनाको नमुना संकलन भएको पनि जानकारी दिए । उनका अनुसार हालसम्म आइसोलेसनमा जम्मा १ सय जना रहेका छन्। १६ जना उपत्यकामा र ८४ जना प्रदेशका विभिन्न अस्पतालमा रहेका छन्।