२४ चैत्र २०७६ , सोमवार

खरिपाटीस्थित क्वारेन्टाइनमा रहेका व्यक्तिहरु आज घर जाँदै

हेल्थ टिभी अनलाइन \काठमाडौं : भक्तपुरको खरिपाटीस्थित क्वारेन्टाइनमा रहेका ७३ जना आजै घर जाने भएका छन्।

कोरोना प्रभावित विभिन्न देशबाट आएका ९४ जनालाई खरिपाटीको क्वारेन्टाइनमा राखिएकोे छ । आइतबार उनीहरु सबैको रिपोर्ट नेगेटिभ आएको स्वास्थ्य तथा जनसंख्या मन्त्रालयका प्रवक्ता डा विकास देवकोटाले जानकारी गराएका थिए ।

सबैको रिपोर्ट नेगेटिभ आएको भए पनि भारतबाट आएका बाँकी केहीलाई भने आज घर जान नदिने बताइएको छ । उनीहरु थप दुई दिन क्वारेन्टाइनमै रहने पनि बताइएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।