१८ चैत्र २०७६ , मङ्लबार

पोखरामा पनि शुरु भयो कोरोना परीक्षण

हेल्थ टिभी अनलाइन\ काठमाडौं: काठमाडौंबाहिर धरानपछि पोखरामा कोरोना परीक्षण शुरु भएको छ ।

मंगलबार स्वास्थ्य तथा जनसंख्या मन्त्रालयले गरेको नियमित मिडिया ब्रिफिङमा मन्त्रालयका प्रवक्ता डा विकास देवकोटाले पोखरामा पीसीआर मेशिन जडान गरिसकेको र आजैबाट परीक्षण गर्न शुरु गरिएको बताएका हुन्। उनले धनगढी र सुर्खेतमा पनि पीसीआर मेशिन पुगिसकेको भन्दै छिटै परीक्षण शुरु हुने जिकीर गरे ।

डा देवकोटाले हाल टेकु अस्पतालमा १० जना आइसोलेसनमा रहेको र ७७ जना प्रदेशका अस्पतालका आइसोलेसनमा उपचाररत रहेको पनि जानकारी दिए । उनले उनीहरु सबैको नमुना परीक्षण हुने बताए । यसैगरी हालसम्म १ हजार ६० जनाको कोरोना परीक्षण गरिएको उनले जानकारी दिए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।