कोरोना भाइरस : पाकिस्तानमा एक हजार ५०० संक्रमित

कोरोना भाइरस : पाकिस्तानमा एक हजार ५०० संक्रमित

पाकिस्तानमा कोरोना भाइरस संक्रमितको संख्या एक हजार ५०० पुगेको छ।

अधिकारीहरूले दिएको शनिवारसम्मको तथ्यांकअनुसार कोरोना भाइरसका कारण मृत्यु हुनेको संख्या १२ पुगेको छ।

एउटै देशमा संक्रमित हुने र मृत्यु हुनेको यो संख्या दक्षिण एसियामै सबैभन्दा धेरै भएको अन्तर्राष्ट्रिय संगठनहरूले बताएका छन्।

पाकिस्तानको पञ्जाबमा सबैभन्दा धेरै संक्रमित भेटिएका छन्। पञ्जाबमा अहिलेसम्म ४६९ जना व्यक्तिलाई कोरोना भाइरसको संक्रमण भएको पुष्टि गरिएको छ।

मृत्यु हुनेको संख्या भने सिन्ध प्रान्तमा सबैभन्दा धेरै रहेको अधिकारीले बताएका छन्। पकिस्तानमा कोरोना भाइरसको संक्रमणको पुष्टि फेब्रुवरी २६ मा भएको थियो।