हेल्थ टिभी अनलाइन \काठमाडौं:  नेपालका विभिन्न सीमा क्षेत्रमा अलपत्र परेका नेपालीलाई प्रवेश दिने निर्णय भएको छ । सरकारले स्थानीय तहले बनाएका क्वारेन्टाइनमा १४ दिन अनिवार्य बस्नुपर्ने शर्तसहित उनीहरुलाई नेपाल प्रवेश गर्न दिने निर्णय गरेको हो ।

कोरोना रोकथाम तथा नियन्त्रण सम्बन्धी उच्चस्तरीय समितिको आइतबार बसेको बैठकले सीमा नाका बन्दका कारण दशगजा क्षेत्रमा अलपत्र परेका नेपालीलाई प्रवेश दिने निर्णय गरेको हो ।

नाकामा अलपत्र परेका नेपालीहरुको परिचयपत्रको आधारमा प्रवेश गर्न दिइनेछ । तर उनीहरु १४ दिनसम्म घर जान पाउने छैनन्।