१६ चैत्र २०७६ , आइतवार

भारतमा एकै परिवारका ५ जनालाई कोरोना संक्रमण

हेल्थ टिभी अनलाइन \काठमाडौं: भारतमा एकै परिवारका ५ जना कोरोना संक्रमित भेटिएका छन्।

उत्तरप्रदेशको बुलंद शहरमा बस्ने एक परिवारका ५ जना सदस्यमा कोरोना पोजेटिभ पाइएको हो।

उनको परिवारमा उनकी श्रीमती र उनीसँगै बस्ने तीन जना सालाहरुमा कोरोना पोजेटिभ देखिएको भारतीय स्वास्थ्य अधिकारीले बताएका छन्। शुक्रबार उनीहरुको रिपोर्ट आएको हो । परिवारमा सबैलाई कोरोना पोजेटिभ देखिएपछि उनीसँग सम्पर्कका आएका ५० बढी व्यक्तिलाई अस्पतालमा आइसोलेसनमा राखी नमुना परीक्षण गर्न पठाइएको छ ।

उक्त संक्रमित व्यक्ति ट्रेन चढेर उत्तरप्रदेशकै अमरावतीबाट मेरठआएकाले ट्रेनमा बस्ने व्यक्तिहरु पनि संक्तमित हुन सक्ने भन्दै उनीहरुको पनि खोजी शुरु गरेको बताइएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।