जनकपुर प्रादेशिक अस्पताल कोरोना संक्रमितको उपचार गर्न तयारी अवस्थामा
हेल्थ टिभी अनलाइन\धनुषा : प्रदेश २ को राजधानी जनकपुरधामस्थित प्रादेशिक अस्पतालले कोरोना भाइरस संक्रमितको उपचार गर्न तयारी अवस्थामा रहेको जनाएको छ।
उपचारका लागि आवश्यक थर्ड लेयरको पर्सनल प्रोटेक्टिभ ईक्युपमेन्ट (पीपीई) उपलब्ध गराए सेवा उपलब्ध गराउने भएको हो। अस्पतालका मेडिकल सुपरिटेण्डेन्ट डा. नागेन्द्रप्रसाद यादवले सम्भवतः आइतबारदेखि प्रादेशिक अस्पतालले सेवा शुचारु गर्ने गरी तयारी गरेको बताए।
कोरोना भाइरस रोकथाम तथा नियन्त्रण गर्न अस्पतालका सम्पूर्ण वार्डको सेवा बन्द गरेर अहिले आकस्मिक सेवा मात्र सञ्चालन गरिएको बताइएको छ। एक जना पोजेटिभ देखिएको खण्डमा एक दिनमा मात्र थर्ड लेयरको (पीपीई) दैनिक रूपमा २५ देखि ३० आवश्यक रहेको उनको भनाइ छ। आफूहरूसँग अहिले निकै कम भएकाले थप माग गरिएको उनले जानकारी दिए।
ज्वरो क्लिनिक, इमरजेन्सी आइसोलेसन वार्ड र सम्भावित कोभिड–१९ आईसीयू सञ्चालन गर्न सबैलाई काम गर्न खटाएको डा. यादवले बताए। चिकित्सक तथा पारामेडिकल कर्मचारीका लागि चाहिने सामानको जोहो गरिदिन उनले आग्रह गरे।
‘क्षयरोगको उपचारसँगै पोषणमा पनि ध्यान दिन जरुरी हुन्छ’
भिटामिन ए खुवाउने कार्यक्रम आज पनि
राष्ट्रिय ट्रमा सेन्टरको निमित्त मेसुमा डा प्रमोद यादव
आज र भोलि बालबालिकालाई ‘भिटामिन ए’ खुवाइँदै
काठमाडौं महानगरका वडाहरुमा आजदेखि नि:शुल्क क्यान्सर परीक्षण शिविर