१४ चैत्र २०७६ , शुक्रबार

राजधानीका तीन अस्पतालमा १३ जनाको आइसोलेसनमा उपचार हुँदै

हेल्थ टिभी अनलाइन\ काठमाडौं: कोरोना संक्रमणको आशंकामा विभिन्न अस्पताल गरी १३ जनालाई आइसोलेसनमा राखेर उपचार गरिरहेको स्वास्थ्य मन्त्रालयले जनाएको छ ।

स्वास्थ्य मन्त्रालयका प्रवक्ता डा विकास देवकोटाले हाल १३ जना व्यक्ति आइसोलेसनमा रहेको बताएका हुन्। स्वास्थ्य तथा जनसंख्या मन्त्रालयले गर्दै आएको नियमित पत्रकार सम्मेलनमा प्रवक्ता देवकोटाले उक्त कुरा बताएका हुन्। उनले टेकुस्थित शुक्रराज ट्रपिकल तथा सरुवा रोग अस्पतालमा ४ जना यसैगरी पाटन अस्पतालमा ६ जना र कान्ति बाल अस्पतालमा ३ जनाको उपचार भइरहेको जानकारी दिए ।

पत्रकार सम्मेलनमा उनले आज बिहानसम्म ८ सय २ जनाको कोरोना परीक्षण भएको र तीन जनामा मात्र पोजेटिभ देखिएको बताए । एक जना निको भएर घर गइसकेको र दुई जना अस्पतालमै रहेको उनले जानकारी दिए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।