१४ चैत्र २०७६ , शुक्रबार

किट, पीपीई र औषधि लिन नेपाल वायुसेवा निगमको जहाज भोलि चीन जाने

हेल्थ टिभी अनलाइन\काठमाडौं : कोरोना भाइरस परीक्षण गर्ने किट र पीपीई लगायत उपकरण तथा औषधिजन्य सामग्री लिन नेपाल वायु सेवा निगमको ए–३३२ वाइडबडी विमान चीनको ग्वाङझाओ जाने भएको छ।

विमानस्थल उच्च कार्यालय स्रोतका अनुसार भोलि नेपाल एयरलाइन्सको बाइडबडी विमान काठमाडौंबाट ग्वाङझाओ जान लागेको हो। औषधिजन्य सामाग्री लिनका लागि फ्लाइट नम्बर आरएनए ४१७१ को उडानमा चार्टर्ड विमान शनिवार ग्वाङझाओ जाने स्रोतले बताएको छ।

यसअघि चीनमा कोरोना भाइरसको संक्रमण फैलिएपछि त्यहाँ रहेका नेपालीहरुलाई पनि नेपाल वायु सेवा निगमकै वाइडबडी जहाजले ल्याएको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।