१४ चैत्र २०७६ , शुक्रबार

प्रधानमन्त्री ओली अस्वस्थ, अस्पताल भर्ना गरियो

हेल्थ टिभी अनलाइन \काठमाडौं: प्रधानमन्त्री केपी शर्मा ओलीको स्वास्थ्यमा समस्या आएपछि महाराजगञ्जस्थित मनमोहन कार्डियोथोरासिक भाष्कुलर तथा ट्रान्सप्लान्ट सेन्टरमा भर्ना गरिएको छ ।

अस्पताल स्रोतका अनुसार प्रधानमन्त्री ओलीले स्वास्थ्यमा असहज महशुस गरेपछि बिहिबार राती अस्पताल भर्ना गरिएको हो ।

उनको मुटुको चालमा केही समस्या देखिएको थियो । अहिले सुधार भएको र आजै डिस्चार्ज हुनसक्ने अस्पताल स्रोतले जानकारी दियो ।

प्रधानमन्त्री ओलीको त्रिवि शिक्षण अस्पतालमा गत फागुन २१ गते दोस्रो पटक मिर्गौला प्रत्यारोपण गरिएको थियो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।