नेपालमा कोरोना भाइरस : अहिलेसम्म ७५८ को परीक्षण, तीनजनालाई संक्रमण
२५ अस्पताललाई ‘फिवर क्लिनिक' सञ्चालन गर्न १०\ १० लाख दिइने
हेल्थ टिभी अनलाइन\काठमाडौं : स्वास्थ्य तथा जनसंख्या मन्त्रालयले कोरोना संक्रमणको आशंकामा ७५८ जनाको परीक्षण गर्दा तीनजना बाहेक सबैको नेगेटिभ नतिजा आएको जानकारी दिएको छ।
मन्त्रालयले बिहीवार गरेको पत्रकार सम्मेलनमा सचिव यादवप्रसाद कोइरालाले तीन नेपालीमा कोरोना भाइरस पोजेटिभ भएको देखिएकामा एकजनालाई पूर्ण रुपमा ठीक भएको र अन्य दुई जनाको उपचार भइरहेको जानकारी दिए।
विदेशबाट आउनेले क्वारेन्टाइनमा बस्ने र आशंका भएमा आइसोलेसनमा बस्ने नियम अनिवार्य रूपमा पालना गर्नुपर्ने बताए। त्यसपछि लक्षण देखिए अस्पतालमा नमुना परीक्षण गर्नुपर्ने र त्यसको थप उपचार सरकारले अगाडि बढाउने प्रष्ट पारे।
सचिव कोइरालाले देशभर २५ अस्पताललाई ‘फिवर हब’ का रूपमा सञ्चालन गर्न तोकिएको बताए। उनले सञ्चालनका लागि आवश्यक उपकरण किन्न प्रत्येक अस्पताललाई १० लाख रुपैयाँ उपलब्ध गराइसकेको जानकारी दिए। उनले धेरै डराइकन विश्व स्वास्थ्य संगठनको निर्देशनअनुसार छ फिट टाढा बस्ने, साबुनपानीले वेलावेलामा हात धोइरहन र सकेसम्म घरमै बस्न आग्रह गरे।
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण
आइभीएफबारे ७ भ्रम र यथार्थ
स्वास्थ्यकर्मीहरुलाई नसर्ने रोग नियन्त्रण सम्बन्धी तालिम
रायोको सागको फाइदा
बाल अस्पतालका लागि डा कोइरालाले लिए बियर कम्पनीबाट २५ लाख सहयोग