हेल्थ टिभी अनलाइन\काठमाडौं : नेपाली कांग्रेसका नेता एवं प्रतिनिधिसभाका सदस्य गगन थापाले सरकारले स्थापना गरेको कोरोनाविरुद्धको कोषमा प्रत्येक सांसदले एक महिनाको तलब प्रदान गर्न प्रस्ताव गरेका छन्।

सोमवार ट्वीट गरी नेता थापाले नागरिक तहबाट पनि जसले जहाँबाट जति सक्छ कोाषमा सहयोग गर्नुपर्ने बताएका छन्। नागरिकले विपद स्रोत जुटाउन साथमा छौँ भनेर सरकारलाई आश्वस्त पार्नुपर्ने र सरकारले पनि विपदमा एकजना नागरिकलाई पनि अप्ठ्यारो पर्न नदिनेमा सचेत हुनुपर्ने तर्क गरेका छन्।

आइतवार मन्त्रि परिषद् बैठकको निर्णयबाट स्थापित कोषमा प्रधानमन्त्री र मन्त्रीहरूले आफ्नो एक महिनाको तलब दिने घोषणा गरिसकेका छन्।

थापाकाे ट्वीट

सरकारको काेराेना काेषमा हामी प्रत्येक सांसदको १ महिनाको तलब जम्मा गराैं।जसले जहाँबाट जति सक्छौं यो कोषमा सहयोग गरौं र विपदमा श्राेत जुटाउन साथमा छौं भनेर सरकारलाई आश्वस्त पारौँ।
संगैमा सरकारलेपनि यो विपदमा एकजना नागरिकलाई पनि अप्ठ्यारो पर्नदिने छैन भनेर आश्वस्त पारोस्।

— Gagan Thapa (@thapagk) March 23, 2020