हेल्थ टिभी अनलाइन\ काठमाडौं:  स्वास्थ्य सेवा विभाग अन्तर्गतको इपिडिमियोलोजी तथा रोग नियन्त्रण महाशाखाले स्वास्थ्यकर्मीलाई चाहिने पीपीई अर्थात पर्सनल प्रोटेक्टिभ इक्वीपमेन्ट खरिद गर्ने प्रक्रियामा गएको भन्दै स्वास्थ्यकर्मीलाई नआक्तिन आग्रह गरेको छ ।

आइतबार महाशाखाले आयोजना गरेको पत्रकार सम्मेलनमा इपिडिमियोलोजी तथा रोग नियनत्रण महाशाखाका निर्देशक डा बासुदेव पाण्डेले उक्त कुराको जानकारी दिएका हुन्। कार्यक्रममा डा पाण्डेले पीपीई नेपालमा नबन्ने र बाहिरबाट मगाउनुपर्ने भएकाले समय लागेको बताए । उनले  स्वास्थ्यकर्मीलाई चाहिनेजति पीपीई लगायतका सामग्री खरिद गर्ने क्रममा रहेको भन्दै प्लेट चार्टर गरेरै भए पनि ल्याइने बताए ।

उनले हाल टेकु अस्पतालमा भने पीपीई रहेको जानकारी दिए । यसैगरी कोरोनाका डरका कारण सबै अस्पतालले पीपीईको माग गरेकाले अपुग भएको भन्दै जहाँ कोरोनाको उपचार गर्ने भनेर तोकिएको छ ती अस्पतालमा मात्र पीपीई चाँडै नै पुग्ने उनले जिकीर गरे ।