४ चैत्र २०७६ , मङ्लबार

काेराेना संक्रमण नभएकाे पुष्टि

हेल्थ टिभी अनलाइन\लहान : कोरोना भाइरस (कोभिड १९) को संक्रमण आशंका गरी परीक्षणका लागि जनकपुर पठाइएका सबै बिरामी स्वस्थ्य रहेको पुष्टि भएको छ।

केही दिनअघि भारतबाट फर्केका सिरहा नगरपालिका–१० नरहैयाका नौ बिरामीमा कोरोना भाइरस संक्रमण हुनसक्ने आशंकामा थप परीक्षणका लागि सोमबार साँझ जानकी मेडिकल कलेज जनकपुर पठाइएको थियो।

सबैमा कोरोनाको कुनै लक्षण नभेटिएको जिल्ला स्वास्थ्य कार्यालय सिरहाका प्रमुख कृष्णदेव यादवले जानकारी दिए। कोरोना भाइरसको लक्षण नदेखिएपछि उनीहरू राति नै घर फर्किएको प्रमुख यादवले बताए।

रोजगारीका लागि भारतका विभिन्न ठाउँमा बस्दै आएका उनीहरूमा रुघाखोकी र ज्वरोको लक्षण देखिएपछि कोरोना भाइरस संक्रमणको आशंका गरी थप उपचारका लागि स्वास्थ्यकर्मीको टोलीले एम्बुलेन्सबाट जनकपुर पठाएको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।