३ चैत्र २०७६ , सोमवार

कोरोनाको उपचारमा खटिने डाक्टर तथा नर्सलाई ७५ प्रतिशत जोखिम भत्ता

हेल्थ टिभी अनलाइन \काठमाडौं: सरकारले कोरोना भाइरस संक्रमितको उपचार एवं ल्याब टेस्ट लगायतका कार्यमा प्रत्यक्ष संलग्न डाक्टर तथा नर्सलाई ७५ प्रतिशत जोखिम भत्ता दिने निर्णय गरेको छ ।

सोमबार बसेको कोरोना भाइरस रोकथाम तथा नियन्त्रण सम्बन्धी उच्च स्तरीय समितिको बैठकले कोरोना संक्रमितको उपचारमा प्रत्यक्ष रुपमा संलग्न हुने डाक्टर तथा नर्सलाई ७५ प्रतिशत भत्ता दिने निर्णय गरेको स्वास्थ्य मन्त्रालयका प्रवत्ता डा विकास देवकोटाले बताए ।

यसैगरी उनले कोरोना संक्रमितको उपचारमा खटिने अन्य स्वास्थ्यकर्मीलाई ५० प्रतिशत र कोरोना नियन्त्रणका लागि खटिने अप्रत्यक्ष रुपमा काम गर्ने कर्मचारीलाई २५ प्रतिशत जोखिम भत्ता दिने निर्णय भएको पनि जानकारी दिए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।