३ चैत्र २०७६ , सोमवार

कोरोनाको कहर : इटलीमा एकैदिन ३६८ जनाको मृत्यु

हेल्थ टिभी अनलाइन \काठमाडौं: इटलीमा कोरोनाका कारण एक दिन मै ३६८ जनाको मृत्यु भएको छ। आइतबार मात्रै इटलीमा ३६८ जनाको मृत्यु भएको त्यहाँका सञ्चारमाध्यमले जनाएका छन्। यो सँगै कोरोनाका कारण इटलीमा मृत्यु हुनेको संख्या १ हजार ८ सय नौं पुगेको छ ।

हालसम्म विश्वभरी १ लाख ६६ हजार ७ सय ३७ जनामा कोरोना संक्रमण भएको पुष्टी भएको छ । कोरोनाकै कारण ६ हजार ४ सय ५४ जनाले ज्यान गुमाइसकेका छन्। यसमा सबैभन्दा बढी चीनमा मृत्यु भएको छ । चीनपछि इटलीमा मृत्युदर बढी रहेको छ । इटलीमा २४ हजार भन्दा बढी मानिस कोरोना संक्रमित भएको बताइएको छ ।

विश्व स्वास्थ्य सङ्गठनले यसलाई विश्वव्यापी महामारीको सङ्ज्ञा दिइसकेको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।