२ चैत्र २०७६ , आइतवार

कोरोनासँग लड्ने कार्ययोजना बनाउन सातै प्रदेशका मुख्यमन्त्री सिंहदरबारमा

हेल्थ टिभी अनलाइन\काठमाडाैं : कोरोना भाइरस संक्रमणविरुद्ध लड्ने कार्ययोजना बनाउन सातै प्रदेशका मुख्यमन्त्री काठमाडौं आइपुगेका छन्।

कोरोना संक्रमण रोकथाम तथा नियन्त्रण उच्चस्तरीय समन्वय समितिको नेतृत्व गरेका रक्षामन्त्री ईश्वर पोखरेलको निमन्त्रणामा उनीहरू काठमाडौं आएका हुन्। उनीहरूका साथमा प्रदेशका सामाजिक विकासमन्त्री पनि छन्।

दिउँसो १ बजे सिंहदरवारमा बस्ने समितिको बैठकमा कोरोनाबाट बच्न प्रदेश सरकारहरूले गरेका कामको समीक्षा र नयाँ रणनीतिबारे छलफल हुने बताइएको छ। संघीय सरकारले गरिरहेको कामको प्रगति स्वास्थ्य मन्त्रालयले प्रस्तुत गर्नेछ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।