३० फाल्गुन २०७६ , शुक्रबार

बीपी कोइराला स्वास्थ्य प्रतिष्ठानमा हेल्प डेस्क

हेलथ टिभी अनलाइन\बैतडी : कोरोना संक्रमण भएका बिरामीको पहिचानका लागि बीपी कोइराला स्वास्थ्य विज्ञान प्रतिष्ठानले ‘हेल्प डेस्क’ सञ्चालनमा ल्याएको छ।

प्रा.डा. गौरीशंकर संक्रमण हुन नदिन र संक्रमित भेटिए उपचार गर्न बिहीबार डेस्क स्थापना गरिएको निर्देशक प्रा.डा. साहले जानकारी दिए। प्रतिष्ठानलेसाहको नेतृत्वमा १२ सदस्यीय ‘र्यापिड रेस्पोन्स टिम’ बनाएको छ।

प्रतिष्ठानमा विशेषगरी ज्वारो तथा रुघाखोकी लागेर सेवा लिन आउने बिरामीलाई डेस्कले समन्वय गरी सहयोग गर्ने जानकारी दिइएको छ।

कोरोना संक्रमण देखिएका बिरामीलाई ‘आइसोलेसन वार्ड’मा राखिने प्रतिष्ठानले जनाएको छ। यसका लागि प्रतिष्ठानमा १० वटा शय्या र तीन सघन उपचार कक्ष छुट्याएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।