२९ फाल्गुन २०७६ , बिहिबार

प्रधानमन्त्री ओलीको स्वास्थ्य सुधारोन्मुख

हेल्थ टिभी अनलाइन\काठमाडौँ : मिर्गौला प्रत्यारोपणको नवौँ दिन प्रधानमन्त्री केपी शर्मा ओलीको स्वास्थ्य सुधारोन्मुख छ।

उनका भाइटल तथा ल्याब सूचक राम्रो अवस्थामा रहेको र नियमित आहार लिइरहेको अस्पतालका कार्यकारी निर्देशक प्रा डा प्रेमकृष्ण खड्गाले जारी गरेको विज्ञप्तिमा उल्लेख छ।

प्रधानमन्त्री ओलीलाई चिकित्सक र परिवारको परामर्शमा केही दिनमा निवास फर्काइने तयारी छ। मिर्गौला प्रत्यारोपणपछि बिहीवार पत्नी राधिका शाक्यले उनलाई पहिलोपटक भेटेकी छिन्।

यसअघि बुधबार घर फर्किनुपूर्व भाञ्जी समीक्षा सङ्ग्रौलाले प्रधानमन्त्री ओलीलाई भेटेकी थिइन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।