२९ फाल्गुन २०७६ , बिहिबार

स्टार अस्पतालले मनायो १४औँ वार्षिकोत्सव

हेल्थ टिभी अनलाइन\ललितपुर : सानेपास्थित स्टार अस्पतालले सेवा अझ प्रभावकारी बनाउने प्रतिबद्धता जनाएको छ।

१४औँ वार्षिकोत्सवका अवसरमा बिहीवार आयोजित कार्यक्रममा अध्यक्ष किशोर महर्जनले थारै समयमा अस्पतालले निकै ठूलो फड्को मारेको भन्दै अझै सेवा विस्तार गर्दै लाने बताए । स्टार अस्पतालले विशेषज्ञ सेवाका लागि विभाग छुट्याई पूरै समय बस्ने गरी विशेषज्ञ चिकित्सक नियुक्त गरेसँगै बिरामीको चाप पनि बढेको जनाएको छ ।

उनले आगामी दिनमा अस्पतालमा आईभीएफ सेवा व्यवस्था गर्न लागेको समेत जानकारी दिए। याे सँगै अस्पतालले १४ औँ वार्षिकोत्सवकै अवसर पारेर बिरामीहरुलाई एक सातासम्म उपचारमा ५० प्रतिशतसम्म छुट दिने भएको छ । यसैगरी चिकित्सकको सिफारिस अनुसार औषधिमा पनि १० प्रतिशत छुट दिने अस्पतालले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।