२१ फाल्गुन २०७६ , बुधबार

कोरोना संक्रमणबाट बच्न पूर्वसावधानी अपनाउनुस् : देउवा

हेल्थ टिभी अनलाइन\कैलाली : पूर्वप्रधानमन्त्री एवं नेपाली काँग्रेसका सभापति शेरबहादुर देउवाले कोरोना भाइरस संक्रमण फैलिन नदिन सतर्कता अपनाउन सर्वसाधारणलाई आग्रह गरेका छन्।

नेपाल प्रेस युनियन कैलालीले बुधवार धनगढीमा आयोजना गरेको पत्रकार सम्मेलनमा सभापति देउवाले संक्रमणबाट बच्न सचेत हुन सुझाव दिए।

पूर्वसावधानी अपनाउन, भरसक हात नमिलाउन र नमस्कार गर्न उनले आग्रह गरे। ‘कोरोना भन्ने खतरनाक रोग नेपालमा आएको छ। हात मिलाउन हुँदैन,’ देउवाले भने, ‘नमस्ते गर्नुपर्छ। हामी त जय नेपाल गर्छौँ।’

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।