हेल्थ टिभी अनलाइन\काठमाडौं : चिकित्सकहरूले पछिल्लो समय नेपालमा ९८ प्रतिशत मिर्गौला प्रत्यारोपण सफल भएको दाबी गरेका छन्।

काठमाडौंमा मंगलवार आयोजित साक्षात्कारमा वरिष्ठ मिर्गौला रोग विशेषज्ञ डा ऋषिकुमार काफ्लेले यस्तो दाबी गरेका हुन्। ‘पछिल्लो समय नेपालमा ९८ प्रतिशत मिर्गौला प्रत्यारोपण सफल भएको छ’, उनले भने।

प्रधानमन्त्री केपी शर्मा ओलीले पुनःमिर्गौला प्रत्यारोपण नेपालमै गर्न लाग्नु नेपाली चिकित्सकको लागि ठूलो अवसर भएको उनको भनाइ छ। प्रत्यारोपणको तयारी राम्रो भएकाले शल्यक्रिया सफल हुनेमा ढुक्क हुन आग्रह गरे।

वरिष्ठ चिकित्सक डा. सुन्दरमणि दीक्षितले पनि प्रधानमन्त्रीले आफ्नो मिर्गौलाको प्रत्यारोपण नेपालमै गर्ने निर्णय गर्नु सुखद भएको बताए। उनले चीन, दक्षिण कोरियालगायत कोरोना फैलिएका देशबाट खुलेआम नागरिक आवतजावत गर्ने कार्य तत्काल बन्द गर्नुपर्ने धारणा राखे।

कार्यक्रममा स्वास्थ्य तथा जनसङ्ख्या मन्त्रालयका प्रवक्ता डा. विकास देवकोटाले देश बाहिरबाट आउने यात्रुलाई निगरानी गर्दा यो नेपाल नभित्रिने बताए।

कार्यक्रममा सरुवा रोग विशेषज्ञ डा‍‍. अनुप बाँस्तोलाले टेकु अस्पतालमा कोरानाको शंकास्पद बिरामीलाई आइलोसेनमा राखेर उपचार गरिएको जानकारी दिए।