१९ फाल्गुन २०७६ , सोमवार

मिर्गौला प्रत्यारोपणका लागि प्रधानमन्त्री ओली अस्पताल भर्ना

हेल्थ टिभी अनलाइन/काठमाडौं: मिर्गौला प्रत्यारोपणका लागि प्रधानमन्त्री केपी शर्मा ओली त्रिवि शिक्षण अस्पताल महाराजगंजमा भर्ना भएका छन् ।

प्रधानमन्त्री ओली सोमबार साँझ अस्पताल भर्ना भएका हुन्। आगामी बुधबार उनको दोस्रो पटक मिर्गौला प्रत्यारोपण गर्ने तयारी अस्पतालले गरेको छ । प्रधानमन्त्री ओलीलाई भान्जी नाता पर्ने महिलाले मिर्गौला दान दिने भएकी हुन्। दाता महिला पनि आजै अस्पताल भर्ना भइसकेकी छिन् ।

प्रधानमन्त्री ओलीले अस्पताल भर्ना हुन जानुअघि भिडियो सन्देश जारी गर्दै आफू छिटै निको भएर फर्किने विश्वास दिलाएका थिए । प्रधानमन्त्री ओलीको मिर्गौला प्रत्यारोपण नेपाली चिकित्सकले गर्नेछन्।

१२ वर्षअघि भारतमा गएर मिर्गौला प्रत्यारोपण गराएका ओलीको यो दोस्रो प्रत्यारोपण हो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।