चीनमा नयाँ कोरोना भाइरस संक्रमित बिरामी निको भएर घर फर्किने दर ५२.१ प्रतिशत पुगेको स्वास्थ्य अधिकारीहरूले जनाएका छन्।

राष्ट्रिय स्वास्थ्य आयोगका प्रवक्ता मी फेङले आइतवार बेइजिङमा पत्रकार सम्मेलनमा कोरोना भाइरस संक्रमण र निको भएर घर फर्किने बिरामीबारे जानकारी गराएका हुन्।

‘चीनका सबै क्षेत्रमा संक्रमितको उपचारपछि घर फर्किने क्रम पछिल्ला केही दिनमा बढेको छ’, उनले भने। खासगरी कोरोना संक्रमणबाट बढी प्रभावित हुबेई प्रान्त र प्रान्तीय राजधानी वुहानबाट पनि पछिल्ला दिनमा निको भएर फर्किने दर बढेको उनले बताए।

पछिल्ला केही दिनमा नयाँ संक्रमितको संख्या क्रमशः कम हुँदै गएपछि यहाँका मानिसहरू काममा फर्किने क्रम बढ्दै गए पनि अझै चीनबाहिर देखिएको बढ्दो संक्रमणको दरसँगै तत्काल बन्द भएका उद्योग, विद्यालय तथा अन्य संस्थाहरूलाई तत्काल खुला गर्न खतराको अझै निर्णय नलिएको बताए।

यद्यपि चीनले विभिन्न क्षेत्रमा फरक फरक उपायको अवलम्वन गर्दै सङ्क्रमणलाई फैलिनबाट रोक्ने प्रयासहरूलाई निरन्तरता दिइरहेको उनले बताए।