सुत्केरीलाई पाँच हजारको कोसेली भेट
हेल्थ टिभीअनलाइन\ओखलढुंगा मानेभञ्ज्याङ गाउँपालिकाले स्वास्थ्य संस्थामा नियमित गर्भजाँच र प्रसूति गराउनेलाई पाँच हजार रुपैयाँ भत्ता दिन थालेको छ।
चारपटक गर्भ जाँच गराई प्रसूति पनि स्वास्थ्य संस्थामै भएमा त्यस्तो रकम पाउने गाउँपालिकाले जनाएको छ। सरकारले सुत्केरीलाई दिने यातायात तथा पोषण खर्च न्यून भएकाले पाँच हजार रूपैयाँ दिने निर्णय गरेको गाउँपालिकाकी उपाध्यक्ष सविता राईले बताइन्। यो रकमले सुत्केरी आमा र बच्चाको पाेषणमा सघाउ पुग्ने विश्वास गाउँपालिकाले लिएको छ।
गाउँपालिकाले सुत्केरीलाई दिने रकमलाई कोसेलीभेट नाम दिएको छ। अहिलेसम्म ३२ जनालाई पाँच हजार रुपैयाँ दिएर कोसेली भेट गरेकोउपाध्यक्ष राईले दिइन्।
गाउँपालिकाले २०७६\०७७ मा सुत्केरी कोसेली भेट शीर्षकमा ७ लाख ५० हजार रुपैयाँ विनियोजन गरेको बताएको छ।
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो
पत्रकारका लागि फेलोसिप र तालिमको अवसर
औषधि खाँदा के कुरामा ध्यान दिने ?
मधुमेहका बिरामीले दशैँमा कसरी मिलाउने खानपान ?