कोरोना भाइरस संक्रमण : युरोपेली मुलुकमा फैलिँदै

युरोपका विभिन्न देशमा कोरोना भाइरस (कोभिड–१९) संक्रमण फैलिन थालेपछि चिन्ता व्यक्त गर्न थालिएकाे छ ।

युरोपेली मुलुकमध्ये इटालीमा सर्वप्रथम देखिएको कोरोना संक्रमण अष्ट्रिया, क्रोएसिया र स्वीट्जरल्याण्डमा पनि देखिएको छ।

संक्रमणका कारण इटालीमा ११ जनाको मृत्यु भएको छ भने ३०० भन्दा बढीमा संक्रमण भएको अन्तर्राष्ट्रिय सञ्चारमाध्यमले जनाएका छन्।

यस्तै अल्जेरिया तथा उत्तर अफ्रिकामा पनि संक्रमण देखिएको छ। इटालीबाट गएका मानिसबाट ती मुलुकमा संक्रमण फैलिएको बताइएको छ।

युरोपेली मुलुकमा पनि कोरोना संक्रमण फैलिएपछि इटाली, फ्रान्स र जर्मनीका स्वास्थ्यमन्त्री तथा युरोपियन युनियन कमिसनको बैठक बसेको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।