हेल्थ टिभी अनलाइन\काभ्रे : पाँचखाल नगरपलिका–८ ले मातृशिशु पोषण कार्यक्रमअन्तर्गत गर्भवती तथा सुत्केरी महिलालाई अण्डा र घिउ वितरण गर्ने अभियान शुरु गरेको छ।

हरेक गर्भवती महिलालाई एक क्रेट अण्डा र आधा किलो घिउ उपहार दिन थालेको नगरपालिकाका प्रवक्ता एवं वडा नं ८ का वडाध्यक्ष सञ्जय तामाङले बताए। उनका अनुसार गर्भवती महिला र शिशु भएका महिलालाई मासिक एक क्रेट अण्डा र आधा केजी घिउ वितरण गर्न शुरु गरिएको छ।

गर्भवती भएर स्वास्थ्य संस्थामा जाँच गराउन थालेदेखि सुनौलो हजार दिनसम्मका महिलालाई वडाले अण्डा र घिउ उपहार दिने अगरेको उनले बताए। त्यससँगै सुत्केरी आमालाई एक सेट कपडा र बच्चालाई सर्वोत्तम पिठोको समेत व्यवस्था गर्ने अभियानमा रहेको उनले बाए।

सुनौलो हजार दिनसम्म गर्नुपर्ने सबै प्रकारका सहयोगका लागि वडा कार्यालयले अभियान शुरु गर्ने वडाध्यक्ष तामाङको भनाइ छ।