हेल्थ टिभी अनलाइन\काठमाडौं : स्टार हस्पिटल र रोटरी इन्टरनेसनल डिस्ट्रिक्ट ३२९२ ले सहकार्य गर्ने भएका छन्।

रोटरी दिवसको अवसर पारेर हस्पिटलको तर्फबाट अध्यक्ष किशोरकुमार महर्जन तथा प्रबन्ध निर्देशक डा. शैल रूपाखेती र रोटरी इन्टरनेसनल डिस्ट्रिक्ट ३२९२ तर्फबाट गभर्नर किरणलाल श्रेष्ठ र गभर्नर इलेक्ट राजीव पोखरेलले हस्ताक्षर गरे।

हस्पिटलका प्रबन्ध निर्देशक डा. शैल रूपाखेतीले सामाजिक कार्यमा सहकार्य गर्ने सम्झौता भएको बताए। सम्झौतामा रोटरी इन्टरनेसनल डिस्ट्रिक्ट ३२९२ का सदस्य तथा परिवारजनलाई उपचार खर्चमा आकर्षक छुट प्रदान गर्ने उल्लेख भएको उनले जानकारी दिए।

डिस्ट्रिक्ट ३२९२ का गभर्नर श्रेष्ठले स्वास्थ्य तथा शिक्षा क्षेत्रमा सहज पहुँच पुर्याउने उद्देश्यले स्टार हस्पिटलसँग सहकार्य गरेको बताए।

रोटरी दिवसको अवसरमा पाटनमा आयोजित कार्यक्रममा संस्कृतिकर्मी सत्यमोहन जोशीलाई निःशुल्क हेल्थ प्याकेज प्रदान गर्ने जानकारी गराइयो।

कार्यक्रममा हस्पिटलले जनरल फिजिसियन तथा हाडजोर्नी रोगको निःशुल्क परीक्षण तथा परामर्श सेवा उपलब्ध गराएको थियो।