हेल्थ टिभी अनलाइन\काठमाडाैं : स्वास्थ्य विज्ञान प्रतिष्ठानले सञ्चालन गर्न लागेको मास्टर इन डक्टरेट (एमडी) र मास्टर इन सर्जरी (एमएस) तहको परीक्षा रद्द भएको छ।

प्रतिष्ठानले पहिलो पटक शनिबारका लागि एमडी र एमएसको परीक्षा तोकेको थियो। प्रश्नपत्र बाहिरिएको भन्दै केही विद्यार्थीले बहिस्कार गरेपछि परीक्षा स्थगन भएको हो।

लोकसेवातर्फ नौ र खुल्लामा आठ गरी १७ सिटका लागि आवेदन दिएका एकहजार १२ जना उपस्थित भएकाे प्रतिष्ठानले जनाएकाे छ। सहभागीमध्ये केहीले प्रश्नपत्र बाहिरिएको र धाँधली भएको भन्दै परीक्षा बहिस्कार गरेपछि विवाद  भएको थियो।

अमरसिंह नमुना मावि केन्द्रमा २ बजे  हुने तय भए पनि एक घण्टा ढिलाे गरी ३ बजेमात्रै परीक्षा शुरु भएको थियो। प्रतिष्ठानले  भने प्राविधिक कारणले परीक्षा स्थगित गरेको र अर्को सूचना प्रकाशन गरी परीक्षाको मिति तय हुने जनाएको छ।

हेर्नुहाेस् प्रतिष्ठानकाे सूचना–