भत्ता नपाइने भएपछि स्वास्थ्य संस्थामा सुत्केरी हुने घटे
हेल्थ टिभी अनलाइन\महोत्तरी : प्रोत्साहन भत्ता नपाइने भएपछि स्वास्थ्य संस्थामा प्रसूति गराउनेको संख्या घटेको छ।
प्राथमिक स्वास्थ्य केन्द्र सम्सीले गत असोजदेखि सुत्केरी भत्ता उपलब्ध गराएको छैन। यही कारण यहाँ प्रसूति गराउनेको संख्या घटेको स्वास्थ्य संस्थाका अनमी विन्दु साहले बताइन्।
पहिले दिनहुँ पाँच जनाले प्रसूति सेवा लिने गरेकाेमा पछिल्लो समयमा क्रमिक रूपमा सेवाग्राही आउन छाडेका छन्। गाउँपालिकाको कार्यालयमा अनेकौँ पटक जानकारी गराउँदा समेत कुनै चासो नदेखाएको अस्पताल व्यवस्थापन समितिका सदस्य रामजपु यादवले बताए।
गाउँपालिका परिषद् बैठक ढिलो भएका कारण सुत्केरीले पाउनुपर्ने भत्ता अहिलेसम्म नपाएको प्राथमिक स्वास्थ्य केन्द्रका अध्यक्ष मदन यादवले स्वीकार गरे।
केही दिनमै प्रोत्साहन भत्ता उपलब्ध गराइने प्रशासकीय अधिकृत रामजी जोशीले जानकारी दिए। गाउँपरिषद् विवादका कारण बजेट विनियोजन हुन नसकेकाले तलब र भत्ता गाउँपालिकाबाट उपलब्ध गराउन नसक्दा यस्तो समस्या सिर्जना भएको अधिकृत जोशीले बताए।
आइभीएफबारे ७ भ्रम र यथार्थ
स्वास्थ्यकर्मीहरुलाई नसर्ने रोग नियन्त्रण सम्बन्धी तालिम
रायोको सागको फाइदा
बाल अस्पतालका लागि डा कोइरालाले लिए बियर कम्पनीबाट २५ लाख सहयोग
‘क्षयरोगको उपचारसँगै पोषणमा पनि ध्यान दिन जरुरी हुन्छ’