हेल्थ टिभी अनलाइन\विटानगर : विराटनगरस्थित नोबेल मेडिकल कलेजले पृथ्वी फाउण्डेसन कालिकोटलाई एम्बुलेन्स हस्तान्तरण गरेको छ।

जिल्लाका बिरामीको सहज उपचारमा सहयोग पुर्याउने ध्येयले कलेजले एम्बुलेन्स प्रदान गरेको जनाएको छ। तरुण दलका महासचिव भूपेन्द्रजंग शाहीले यसका लागि समन्वय गरेको बताइएको छ।

शनिबार यहाँ आयोजित कार्यक्रममा कलेजका सञ्चालक डा. सुनिल शर्माले स्ट्रेचरमा बिरामी बोक्नुपर्ने बाध्यता अन्त्य गर्न सहयोग गरेको र आगामी दिनमा थप सहयोग गर्ने बताए।

महासचिव शाहीले बिरामीलाई उपचार गर्न एम्बुलेन्सले थप सहज हुने र यहाँको स्वास्थ्यस्थिति माथि उठाउन सबै लाग्नुपर्ने बताए।