गौमूल गाउँपालिकामा तीन वर्षदेखि बन्द जडीबुटी संकलन खुला

बाजुरा : गौमूल गाउँपालिकाले तीन वर्षदेखि बन्द जडीबुटी संकलन खुला गर्ने निर्णय गरेको छ।

शनिबार बसेको गाउँपालिकासभाले साविकका मानाकोट र दहकोट गाविसका वनजंगललबाट जडीबुटी संकलन खुला गर्ने निर्णय गरेको हो।

दहकोटको अम्लिस, मल्लोदुगुनलगायत वनबाट जडिबुटी संकलन गर्न दिने निर्णय गरेको गाउँपालिकाका अध्यक्ष हरिबहादुर रोकायाले जानकारी दिए।

जडीबुटी संकलन गर्न गाउँपालिकाको अनिर्वाय सिफारिस लिनुपर्ने व्यवस्था गरिएको उनले बताए। सभाले जथाभावी जडिबुटी संकलनमा भने रोक लगाएको बताएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।