२८ माघ २०७६ , मङ्लबार

हेलिकोप्टरबाट सुत्केरीको उद्धार

हुम्ला : ताजाकोट गाउँपालिका–३ चौतारीबाँडा गाउँमा सुत्केरीलाई हेलिकोप्टरबाट उद्धार गरिएको छ। साल अड्किएर निस्कन नसकेपछि वडा नं. ३ का ३९ वर्षीया रूपशीला दमाईलाई हेलिकोप्टरबाट उद्धार गरिएको हो।

नेपाली सेनाको हेलिकोप्टरमार्फत दमाईलाई प्रदेश अस्पताल सुर्खेत लगिएको प्रमुख जिल्ला अधिकारी विनिता भट्टराईले जानकारी दिइन्। सुत्केरी व्यथा लागेर साल अड्किएको जानकारी आएपछि उद्धार गरिएको उनको भनाइ छ।

केही दिन अगाडि मात्रै उत्तरी नाम्खा गाउँपालिका वडा लिमी गाउँका सुत्केरी व्यथा लागेकी ३५ वर्षीया याङजिन तामाङलाई पनिसेनाको हेलिकोप्टरबाट उद्धार गरिएको थियो। पछिल्लो समयमा कर्णालीका विकट हुम्ला जिल्लाबाट सुत्केरी हुन नसकेका महिलालाई हवाइ उद्धार गरिएको प्रजिअ भट्टराईको भनाइ छ।

रासस

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।