२७ माघ २०७६ , सोमवार

जिल्ला स्वास्थ्य कार्यालयमा फिजियोथेरापी सेवा

दैलेख : जिल्ला स्वास्थ्य कार्यालय दैलेखमा पहिलो पटक ‘फिजियोथेरापी’ सेवा शुरू भएको छ। सेवा शुरु भएसँगै बिरामीलाई सहज भएको छ।

विशेषगरी नसा च्यापिएका ढाड, कम्मर, हड्डीलगायत समस्या समाधानका लागि बिरामीहरुले फिजियोथेरापी रोज्ने गरेको स्वास्थ्य सेवा कार्यालय दैलेखका प्रमुख डा. निरञ्जन पन्तले बताए।

फिजियोथेरापी सेवा सञ्चालन गर्न ह्याण्डी क्याप इन्टरनेसनलले १० लाख रुपैयाँ बराबरको सामग्री उपलब्ध गराएको छ। कर्णाली प्रदेश सरकारको बजेटबाट फिजियोथेरापिस्ट राखिएको छ।

हड्डी खिइएको, नसा च्यापिएको, मांसपेशी दुख्ने, झमझमाउने, लुलो हुने, प्यारालाइसिस र हातखुट्टा नचल्ने जस्ता समस्याकाे उपचार हुने फिजियोथेरापिस्ट धना खड्काले बताइन्। जन्मजात असाधारण बालबालिकाकाे उपचार पनि गरिने उनकाे भनाइ छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।