हङकङमा एउटा पानीजहाजमा चार दिनसम्म फसेका सयौँ मानिसहरूलाई कोरोना भाइरसको परीक्षणपछि बाहिर निस्किन अनुमति दिइएको छ।

यात्राका क्रममा केही कर्मचारीहरूमार्फत भाइरस  फैलिएको हुनसक्ने आशंकाका कारण वर्ल्ड ड्रिम क्रुजका झण्डै तीन हजार ६०० सय यात्रु र चालकदललाई निगरानीमा राखिएको थियो।

जापानमा अर्को पानीजहाजमा कोरोनाभाइरसबाट दर्जनौँ मानिस सङ्क्रमित भएको पुष्टि भएपछि निगरानीमा राखिएको छ।

कोरोना भाइरसको प्रकोप शुरु भएको चीनको हुबे प्रान्तमा मात्रै ९०० भन्दाबढीकाे जनाको ज्यान गइसकेको छ भने ४० हजारभन्दा बढी संक्रमित भएका छन्।